- اسعار العملات في البنوك
- 12:21 م
- منوعات
- لاتوجد تعليقات
بدون تضليل أعرف مين زار بروفيلك (ولكن بشروط)
"جاسوس بس بيخدمنى - بخصوص حوار Facebook Visitors"
اولا
علشان نبقى متفقين دى اضافة اصلا بتنزل للمتصفح بتاعك سواء كان Opera - Firefox - Chrome يعنى مش خاصية ولا ميزه جديده ولا ليها علاقة بشركة فيسبوك بتاتاً والرابط دا تأكيداً للمعلومه دى: http://goo.gl/efpvPX
*الاجابة على السؤال دا هتلاقوها فى قسم المساعدة تحت عنوان اسمه "Common Myths About Facebook" يعنى خرافات شائعة "هرى" عن فيسبوك و متداوله بين الناس ودا رابط القسم لو محدش مصدق : http://goo.gl/D5ije2
ثانياً
الاضافة دى شغاله فعلا بس بتتجسس عليك انت اولاً وبتشوفك بتزور بروفايلات مين وبعدين بتقوم رافعه المعلومات الى حصلت عليها على سيرفر المطور وبالتالى تبلغ الشخص الاخر "الى لازم وحتما ولابد يكون منزل نفس الاضافه عنده" بس المشكله فين ياترى؟! المشكله امنية او تمس الخصوصية اكبر من الناحية الامنيه يعنى هيا لا بتنزل فيروسات عندك ولا تروجانز ولا حاجه "اللهم ان حد اخترق الموقع بتاعها وقام لعب فى الكود فى الحاله دى مستبعدش انه ممكن بالبلدى يفحتلك حسابك" لا هيا بقى بتبعت حاجات كتير للمطور مش هتعرف انت ايه الى بيدور خلف الكواليس لان الحماسه بتبقى واخداك وبتقول نفض المهم اشوف مين الى بيزور بروفايلى بس هتتخبط بعدين لما تعرف انها ليها فى حوارات الاسبام وفى وقت ما فيسبوك هوا الى هيحذرك او هتاخد بلوك اضافات او ارسال رسائل او نشر فى الجروبات.
-"الامان":
الاضافه مش امنه 100% انا عندى استعداد اسربلكم كل واحد زار بروفايل مين من الناس الي مسطباها دا بغض النظر عن المعلومات الى بتتبعت للمطور والى غالبا بتبقى متوسطة الخطوره مش خطره اوى على صحة صاحب الحساب بس اسمها خرق خصوصية فى النهايه، بعد تحليلى للكود الخاص يالاضافة دى لقيت ان مفهوش حاجه تضر الامان الخاص بالحساب "يعنى مش هيتسرق الا لو حصل وتم اختراق موقع المبرمج نفسه وحد لعب فى السورس كود وعلشان الاضافات بتتحدث تلقائى على المتصفحات بدون علمك فالتحديث الجاى هيضربلك الاكاونت" بس الضرر واقع اكتر فى جزأية الخصوصيه انا دلوقتى المفروض ان الاكستنشن حصر عملها على مين بيزور بروفايلى، لا انا عملتلها Sym Reverse Engineering فى وقت فراغى وقدرت اعرف مين الى زار بروفايل "مارك" بالرغم من ان الاضافة معموله فقط علشان اعرف مين بيزور بروفايلى انا وبس الا انى بطرقة ما اقدر اعرف مين زار بروفايل مين وامتى يعنى بكدا انت بتسمح للإضافة انها تتجسس عليك مقابل انها تخدمك فلو حد استغلها مش بس هيعرف مين بيزور بروفايله بل بالعكس ممكن يعرف مين بيزور بروفايل من "على سبيل المثال". ويقدر يستغلهم مثلا او يضايقهم ولو كان مستهدفك انت شخصيا فبكدا هيبقى جمع معلومات عنك وهيعرف يضربك الضربه القاضيه فى المستقبل القريب او البعيد "سيم"، وبالتالى دا بيخدم جزأية ال Social Engineering فى عملية "الاستهداف وجمع المعلومات".
-"عن الية العمل":
"فلان" سطب الاضافة، "فلان" بدأ ينسى انه عنده الاضافه اصلا ونفض مع مرور الوقت، "فلان" زار بروفايل "علان" ، الاضافه رفعت سجل زياراتك على خوادمها، يقوم "علان" منزل الاضافه عنده بردو عايز يجرب وكدا، يفاجأ "علان" بإن كلمة Visitors عليها رقم 1 مثلا زى شكل التنبيه كدا ياترى عرفت منين ان "فلان" زار بروفايله؟، علشان السجل بتاع "فلان" اترفع على السيرفر ياخفيف وبقى عند المطور فهيبدأ هوا يقول لـ "علان" "فلان" زارك او / و العكس.
-"طريقة الحذف" - "احذف الاضافة دى ازاى":
متصفح #كروم: http://goo.gl/7qpD1i
متصفح #اوبرا: http://goo.gl/B10y7j - http://goo.gl/JgpgRi
متصفح #فايرفوكس: http://goo.gl/GV0NRP
-"ملاحظات":
*احذف الاضافة فورا لأنها خطر\خرق للخصوصيه بكل الاشكال، عايز تسيبها سيبها.
*شير ولايك وكومنت ومينشن وتاج لصديقك المهتم والى عمال يهرى كتير او داوشك بالتنبيهات.
عن الكاتب :
وصف مختصر عن الكاتب
ليست هناك تعليقات :
إرسال تعليق