المهنة : طالب الفرقه الأولى كلية التجارة جامعة الأزهر

مكان الاستشهاد :مدينة نصر في مسيرات يوم الجمعة 3 / 1 / 2014

يروي عمرو نصر اخ الشهيد

"اللهم لك الحمد علي هذا الفضل والمنه ان اصطفيت اخي حسن وجعلته شهيدا بأذنك وفضلك وكرمك مش قادر انسي لما كنت دايما بصحيه لصلاه الفجر ونعد نتخانق مع بعض علشان يصحي وفي أخر ايامه كان هو اللي بيجي يصحيني مش قادر انسي لما كان بيضحي بكل حاجه ويحطها ورا ضهره و يروح يجيب كل حاجه المسيرات بتحتاجها مش قادر انسي لما كان يعد يقلي أنا صايم بكره مين اللي هيصوم معايا فاكر لما كنت راجع من رمسيس في6 اكتوبر ولقته زعلان اوي بقله في ايه يابني قالي بشبشي استشهد ما بقدرش انسي لما كان بيجي معايا في الدار و لما الشيخ حسن ما يجيش الأطفال مايردوش يخشوا الدار علشان هو مش موجود تعلمت منك كيفيه الأخلاص تعلمت منك يا اخي ازاي تاخد بالأسباب وماليش دعوه بالنتيجه والله تعلمت منك كيفيه التضحيه في سبيل الله مش قادر انسي لما كنت قاعد بعيط ومخنوق من موضوع لقيتك جي تعيط علي عياطي اصحابك خدوا كل حاجه ولم يتركوا الإ القليل مش قادر انسي يا حسن كم كنت وفيا ولما اصحابك يحصلهم حاجه تبقي هتجنن و لما كنت تعد تقل اصحابك انتوا مش رجاله ازاي احنا نبقي ورا ونسيب الناس تضرب والله لقد كنت انت الكبير وانا الصغير في الجنه يا اخي نلتقي بأذن الله موعدنا الحوض

احسن حاجه شفتها في حسن هو كانت التضحيه في سبيل الله فعلا كلمته اللي قالها كله في سبيل الله كانت عن واقع وعن صدق كان بيضحي بكل حاجه في مُقابل انه ينصر الحق يعني مثلا كان في متش كنت اتفقت انا وهو هنتفرج عليه وهو قالي ماشي بعد كده تاني يوم الصبح قالي يا عمر في مسيره معلش مش هقدر اتفرج معاك

كنت بحس فيه في حاجه ما حستهاش قبل كده في حد كنت بحس فيه بأخلاص رهيب ورجوله جامده اوي يعني مثلا لما صحابه كان بيحصلهم حاجه كان يكلم طوب الارض علشان يطلعهم

كنت في اخر ايامه اشوفه يصحي الصبح بدري ويرجع باليل متأخر يروح يجيب حاجات للمسيرات وباليل في المسيرات علي العموم كنت انا اللي بلبس في شغل البيت وكنت اكلمه وهو يثبتني بكلمتين وكنت بعديها ;D علشان كنت عارف الدور اللي بيقوم بيه بس ما كنتش متخيل ان دورهمأثر كده

علي عموم واحنا كده بنتكلم عن حسن والمسيرات حصل معايا موقف افتكرت فيه حسن مره كنت في مسيره وكنت مصلتش العشاء فافتكرت حسن لما في مره كان في مسيره وجه قالي انا مصلتش العشاء انا ممكن اموت قلتله ايه يا بني ما انتا هتصليها ان شاء الله بعد المسيره قاليه انا ممكن اموت في اي لحظه وما كنش صليت العشاء

افتكر في يوم كانت الدنيا كلها مطر وكان في مسيره فبحط رجلي علي الجزمه بتاعته ما قدرتش المسها من كتر الميه اللي جات فيها والسقعه اللي في الجزمه فبقله يا بني انتا ماشي بيها ازاي كده قالي عادي

فعلا والله مدينه نصر خسرت كتير اوي لكن ان شاء سيعوضنا ربنا كل خير"

آخر ما كتب الشهيد على حسابه بتويتر هو قوله:

"كله في سبيل الله".

وقبلها كان قد أوصى زملاءه بصلاة الفجر والدعاء للشهداء والمصابين، وكتب قائلا:"متنسوش تصلو الفجر وتدعو للشهداء والمصابين ربنا يعجل بشفائهم والمعتقلين ربنا يفك اسرهم عاجلا وينصرنا علي الطالمين ويلهمنا الصبر اللهم آمين